Ministri i Ekonomisë dhe Financave, Arben Ahmetaj, ndërsa ka prezantuar projektbuxhetin e vitit 2019, tha se do të ketë rritje pagash prej 7% në arsim, shëndetësi, por edhe në sektorin e mbrojtjes.
Ahmetaj tha në kryesinë e Kuvendit të Republikës se do të vijohet me nxitjen e punësimit në të gjithë sektorët.
“Mbështes krijimin e vendeve të reja të punës. Rritja pritet të mbështetet nga konsumi e investimet. Shkalla e papunësisë pritet të zbresë 12% . Ligji për tatim të të ardhurave, ulje në 8%”. Rritja e pagave në shëndetësi do të rriten me 7 për qind, në shëndetësi dhe në arsim po me 7 për qind. Investimet publike janë parashikuar në 5 për qind të prodhimit të brendshëm bruto, apo 88.8 miliardë lekë. Subvencioni nuk do të jetë më pasiv.”, tha ai.
Ahmetaj ai u ndal edhe tek shifra e parashikuar për shpenzimet për ndihmën ekonomike, e cila sipas ministrit të Financave dhe të Ekonomisë, është parashikuar të jetë 20.5 miliardë lekë. (B.H/Faxweb)
Discussion about this post