Në seancën plenare të ditës së sotme do të diskutohet projektligji për buxhetin e vitit të ardhshëm. Diskutimet priten të jenë të gjata midis palëve.
Ditën e djeshme grupi parlamentar i PS-së është mbledhur për të diskutuar mbi qëndrimet që do të mbahen në Kuvend ditën e sotme. Mbledhja ka koordinuar qëndrimin e deputetëve në seancën parlamentare të së enjtes. Dje ka pasur qëndrime të ndara mes qeverisë dhe grupit të PS-së në lidhje me disa tema si akciza e naftës për peshkimin, rritja e akcizës së gazit, etj.
Mazhoranca e konsideron si buxhetin e reformave dhe i rritjes së pagave, ndërsa opozita e konsideron si buxhet i dështuar. Për ministrin e financave, Arben Ahmetaj, buxheti për herë të parë është në sufuçit, ul borxhin publik dhe finacon rritjen e pagave dhe të pensioneve. Para se të kalojë në seancën e neserme, buxheti ka ndjekur rrugën në komisionet parlamentare të kuvendit, ku ka patur polemika të forta lidhur me çështje të ndryshme.
Ndërkohë kreu i opozitës është shprehur kundër buxhetit të ri të vendosur duke e cilësuar atë si “antiosocial”. Sipas tij, buxheti i 2017-ës parashikon sërish rritje të taksave.
“Është buxheti që i merr shumicës dhe i jep pakicës. Do rriten taksat, duke i çuar ato në 430 milionë dollar në vit. Rama tre vite më parë erdhi në pushtet se do ulte taksa, tani u mori 1.5 milionë dollar më shumë shqiptarëve duke i rritur taksat. Ai i detyron shqiptarët që të blejnë gaz ose naftë, ndihmon ndonjë mik të Ramës ose ministër. E gjithë rritja e taksës bëhet për të rënduar xhepat e qytetarëve. Edhe këtë vit, 80 mijë dollar ia ka dhënë vetes së tij. Për pagat dhe pensionet ka premtuar t’i rrisë nga prilli, para se t’i marrë ndëshkimet popullore me votë po i rrit. Por sapo i rrit? Pagat dhe pensionet nuk rriten me dekret qeverie, por i rrit ekonomia. Në fund të qeverisjes së tij njerëzit paguajnë më shumë taksa dhe blejnë më pak se të ardhurat që kanë. Shëndetësinë falas. Ai tha se do të jetë falas.“, tha Basha për mediat.
