Masat e marra nga qeveria për rihapjen e ekonomisë pas një periudhe gati 2 mujore si pasojë e pandemisë globale nuk i duken të mjaftueshme Konfindustrisë Shqiptare.
Gjergj Buxhuku, administrator i Konfindustria-s thotë se masat e ndërmarra nuk janë në raport me rrezikun real shëndetësor dhe shumë prapa praktikave që kanë ndjekur vende të tjera si si Austria, Hungaria, Zvicra dhe Gjermania. Ai thotë se se bllokimi i ekonomisë rrezikon vendet e punës, mbylljen e bizneseve dhe rrit po ashtu edhe faturën financiare për buxhetin e shtetit, si nga mungesa e taksave, ashtu edhe për paketat sociale që financon.
Konfederata e Industrive të Shqipërisë i bën thirrje qeverisë që të lehtësojë masat e qarkullimit dhe të lejojë hapjen e bizneseve, përndryshe po rrezikohet seriozisht falimenti i kompanive që punojnë në sektorin e shërbimeve, transportit, hoteleritë dhe qendrave tregtare.
Sipas Konfindustria-s sektorët që janë goditur më shumë nga kjo situatë në fushën e shërbimeve, tregtisë e transportit përbëjnë afërsisht 40% të produktit të brendshëm të vendit.
Discussion about this post