Ka nisur sot dita e dytë e punimeve e sesionit të 12 të Komitetit të Stabilizim-Asociimit.
I pranishëm në takim ka qenë edhe Eduard Kukan i cili është shprehur që Shqipëria duhet të punojë edhe më shumë në mënyrë që të hapen negociatat.
‘’Negociatat me BE-në duhet të kishin filluar, shpresa për çeljen e negociatave duhet që të kthehet në veprime konkrete. Negociatat në çdo hap janë një proces burokratik”, u shpreh Kukan.
Bashkëkryetari i Komisionit të Reformës Zgjedhore Oerd Bylykbashi tha se konsensusi për reformën zgjedhore është jetik për suksesin e saj.
Në takimin e përbashket me eurodeputetët, Bylykbashi vuri në dukje se shitblerja e votës është problemi kryesor për Shqipërinë Raporti i OSBE / ODIHR e përmend 13 herë fenomenin e blerjes së votave në 2017-ën.
Gjithashtu, një studim i financuar nga BE zbuloi se 20% e të anketuarve shqiptarë iu ofruan para dhe mallra në këmbim të votes.
Bylykbashi tha se burimi kryesor për blerjen e votave janë parate që vijne nga droga dhe korrupsioni qeveritar. Ai theksoi se nese ky problem nuk zgjidhet, rreziku eshte qe reforma zgjedhore, edhe nese do te kete sukses, mund te mbetet ende në letër.
Bylykbashi tha se parakusht i suksesit të kësaj reforme është konsensusi i sinqertë mes palëve.
“Reforrma zgjedhore nuk duhet t’i ngjajë reformes territoriale, pasojat e të cilës po bëhen gjithmonë e më të renda per keqqeverisjen e qytetareve. Reforma zgjedhore nuk duhet t’i ngjaje kurre as reformës ne drejtesi, ligjet e te ciles u miratuan ne menyre te njeanshme dhe antikushtetuse. Keto janë modeli si nuk duhet bere reforma zgjedhore”- tha Bylykbashi.
Për të reflektuar këto arsye, Partia Demokratike ka propozuar disa ndryshime ne piken 8 te draft rekomandimeve, ku flitet per reformen zgjedhore. “8. Këmbëngul në nevojën për një ndjekje të plotë të të gjitha rekomandimeve të OSBE/ODIHR dhe për reformën zgjedhore, duke përfshirë masat kundër blerjes së votave, të cilat duhet të zbatohen pa vonesë dhe në kohën e duhur përpara zgjedhjeve të ardhshme”
Deputetja e PS, Vasilika Hysi, nuk mohoi, por tha se ‘ka pasur ashpërsim të vendimeve për shitblerjen e votës’. Ndërsa, deputetja e LSI, ish-ministrja e Integrimit, Klajda Gjosha, vërejti “duhet një reformë zgjedhore që t’i zgjidhë të zgjidhë të gjtiha problemet.”
(E.K/FAXWEB)
