Deputeti i Partisë Demokratike, Oerd Bylykbashi, bashkëkryetar i Reformës Zgjedhore i ka bërë thirrje sot mazhorancës që të mos dëmtojë Reformën Zgjedhore. Sipas tij propozimet e Partisë Socialiste synojnë të kapin procesin zgjedhor vitin e ardhshëm.
Ai u shpreh gjithashtu se këto propozime, që sipas PS-së janë në bazë rekomandimeve të Ohdir-it, janë një mënyrë që ata kanë zgjedhur për të bllokuar procesin.
‘’Zoti Balla mos u kacavirni të fshiheni mbi xham për reformën zgjedhore. Ju po propozoni të keni në të gjitha komisionet zgjedhore katër prej anëtarëve. Mos iu shisni dengla shqiptarëve se po veproni sipas rekomandimeve të OSBE-OHDIR-IT. Ju kërkoni që të keni një mësues si anëtarin e shtatë të komisionit, por në të vërtetë ju kërkoni ta merrni për vete dhe anëtarin e shtatë të këtij komisioni’’, është shprehur Bylykbashi.
Për Reformën Zgjedhore ka pasur polemika dhe nga ana e partive të vogla, të cilave nuk iu janë marrë parasysh disa propozime. (E.K/SHUPLAKA)
Bylykbashi-Ballës: Kacavireni të fshiheni mbi xham, shisni dëngla shqiptarëve në emër të OHDIR-it
