Deputeti i Partisë Demokratike Oerd Bylykbashi, pas përfundimit të procesit të votimit për kreun e ri, ka falenderuar të gjithë demokratët e Durrësit që kanë dhënë zgjedhjen e tyre.
“Falenderoj 1545 demokratet e deges Durres qe votuan sot! Ata jane qendrestaret qe votuan ne momentin me te veshtire te PD. Me siguri kishte te tjere qe deshen te votonin por nuk erdhen dot. Respektoj cilindo anetar qe shfrytezoi te drejten e tij per te mos votuar. Statuti eshte Libri i Rregullave qe na mban bashke e na ben demokrate edhe kur mendojme ndryshe. PD do te ringrihet me e forte!”, shkruan Bylykbashi.
Komisioni i operacioneve elektorale bën me dije se në këto zgjedhje kaq të rëndësishme për PD-në, kanë marrë pjesë 57.5% e anëtarësisë së Partisë Demokratike.
Pra, rezulton që të kenë votuar rreth 60 mijë anëtarë të PD-së. Një pjesëmarrje rekord anëtarësh kjo, në zgjedhjet për kryetarin e partisë. Kujtojmë se në zgjedhjet e vitit 2013-të, kur Partia Demokratike humbi zgjedhjet dhe Sali Berisha dha dorëheqjen, në garën për kryetarin e PD-së pjesëmarrja ishte 41 mijë anëtarë.
Ndërkohë theksojmë se pas votimit, kutitë e votimit janë sjellë në selinë e PD-së në Tiranë. Ndërsa numërimi pritet të nisë diku pas mesnate. (D.D/Shuplaka)
