Disa banorë të fshatit Mrostar në Fier po zhvillojnë sot një protestë. Arsyeja se pse këta banorë protestojnë është se atyre i është bllokuar rruga që i çon në banesat e tyre, nga ndërtimi i bypass-it rrugor.
Ata shprehen se nuk ka asnjë mundësi kalimi, as nga zjarrfikëset dhe autoambulancat.
Në mbështetje në protestuesve është dhe Luan Baçi, ish-deputeti demokrat dhe njëkohësisht dhe kreu i PD-së në Fier. Ai është shprehur për mediat se PD do jetë në krah të banorëve dhe se atyre nuk po u jepet zgjidhje nga qeveria.
“Do të jemi krah banorëve në këtë te drejtë qe u takon. Banorët jane bllokuar dhe po ndeshin në veshin e shurdhër te qeverisë. Do t’i mbështesim në çdo hap, edhe nëse bllokojnë aksin nacional.” u shpreh Baçi.
Discussion about this post