Ministrja e drejtesisë Etilda Gjonaj bëri një inspektim në zyrat në varesi të ministrisë së Drejtesisë në Korçë dhe Pogradec.
Ministrja ka inspektuar nga afër zonën me qëllim për të parë se si institucionet u shërbejnë qytetarëve. Ndërsa ka paralajmëruar se do të shkarkohen ata që nuk janë korrektë në shërbim.
“Në kuadër të bashkëqeverisjes me qytetaret, janë vizitat dhe inspektimet,për të parë nga afër mënyrën e shërbimit ndaj qytetarëve. Qëllimi, t’ju garantojmë shërbim efikas dhe të shpejtë ndaj qytetareve dhe të jepet sipas kërkesave. Për këtë qëllim, ne kemi marrë masa për rekrutimin mbi procedura transparente. Nga ana tjetër,do të merren masa e shkarkimit për ata punonjës qe nuk ju ofrojnë shërbim në kohë qytetareve.”, u shpreh Gjonaj.
Në lidhje me vendimin e prokurorisë së Tiranës për mosfillimin e çështjes për byzylykët elektronike, Gjonaj deklaroi se Ministria e Drejtesise e ka ankimuar vendimin,pasi ka bindje, për ekzistencën e provave. (J.V/Faxweb)
