Drejtori i Përgjithshëm i Shërbimit të Provës, Ilir Qafa, ka deklaruar se 90 të dënuar po mbahen nën mbikëqyrje sepse pas lajmit të publikuar për byzylykët ata kanë tentuar t’i heqin.
“Kemi aktualisht 90 shtetas me mbikëqyrje, ata kanë pasur një farë joshje pas publikimit të lajmit dhe kanë tentuar të heqin byzylykët”, tha Qafa.
Qafa tha gjithashtu se dorëzimi i byzylykëve ka ndodhur në zbatim të urdhërit të Ministrit të Drejtësisë.
“Dorëzimi i byzylykëve ka ndodhur në zbatim të urdhrit të ministrit të drejtësisë që po bëjnë verifikime. Detyra jonë me të konstatuar defektet ishte të njoftonim policinë dhe prokurorinë. Pra, kemi zbatuar ligjin. Prej fillimit të këtij procesi të projektit pilot kemi përmbushur detyrën, në përputhje me legjislacionin në fuqi është kontraktuar edhe kompania që bënte mbikëqyrjen”,tha ai. (B.H/Shuplaka)
Discussion about this post