“Fal Internetit janë shtuar frikshëm ca budallaqe në kërkim të burrit që fotografojnë surratin e vet nga dhjetra kënde, shkruajnë vargje për të vjellë, sajojnë maksima me t’i sjell zorrët në fyt, nxjerrin piktura me sorkadhe të pëlotura, përrua që rrjedh, liqen, pulëbardha, lejlekë, hënë e zbehtë në horizont.” Kështu është shprehur së fundmi Edison Ypi në lidhje impatik që ka interneti në shoqërinë shqiptare. Ai shton më tej internetin shqiptarët nuk e pranojnë si zgjerim, por si ngushtim, si hall, si siklet, si burg.
“Fal Internetit, shitësi i bulmetit, kasapi, marangozi, katundarja që sjell qumështin, dhe cilido llapaqen kafeneje, është pakrahasimisht më i rëndësishëm se të gjithë shqiptarët e shkolluar që janë lodhur me vite nëpër universitete dhe akademira.
Fal Internetit shqiptarët Lirinë nuk e pranojnë si zgjerim, por si ngushtim, si hall, si siklet, si burg.
Fal Internetit shqiptarët nuk po e kuptojnë se po të shpërdorohet, Liria edhe zhduket.”, përfundon Edison Ypi.
REAGIM:
Fal Internetit
Fal Internetit, “Shqiptari i Vitit” është Kaçarrum Kaçamaku nga Takapi Komuna e Sumës, ndërsa “Shqiptari i Shekullit” është dhe në jetë të jetëve do mbetet ai që e meriton, Loqemadh Katunari nga Tarrasi, Komuna e Stërlëngut, Prefektura e Hiçit.
Fal Internetit, ajo që do duhej të ishte shtylla e shoqërisë, mikroborgjezia jonë, më së fundi ekziston, por është më e fëlliqura në fytyrë të dheut; Ca parazitë e ca hajdutë, ca bajga që hiqen për aristokratë e ca pëgërje që mbahen për elitë.
Fal internetit, shqiptar i shquar mund të jetë çdo hajdut që ngre një flamur dhe çdo budalla që bën hatanë me 1 rrjesht e gjysëm në fejsbuk.
Fal Internetit, çdo halabak është më i rëndësishëm dhe më i lavdishëm se një krahinë e tërë që nuk prodhon lajme me vrasje por vetëm grurë, misër, mish, qumësht.
Fal Internetit janë shtuar frikshëm ca budallaqe në kërkim të burrit që fotografojnë surratin e vet nga dhjetra kënde, shkruajnë vargje për të vjellë, sajojnë maksima me t’i sjell zorrët në fyt, nxjerrin piktura me sorkadhe të pëlotura, përrua që rrjedh, liqen, pulëbardha, lejlekë, hënë e zbehtë në horizont.
Fal Internetit, shitësi i bulmetit, kasapi, marangozi, katundarja që sjell qumështin, dhe cilido llapaqen kafeneje, është pakrahasimisht më i rëndësishëm se të gjithë shqiptarët e shkolluar që janë lodhur me vite nëpër universitete dhe akademira.
Fal Internetit shqiptarët Lirinë nuk e pranojnë si zgjerim, por si ngushtim, si hall, si siklet, si burg.
Fal Internetit shqiptarët nuk po e kuptojnë se po të shpërdorohet, Liria edhe zhduket. (J.V/Faxweb)
Discussion about this post