Jozefina Topalli, e cila është një ndër kundërshtaret kryesore të Bashës në PD, nuk ka të njëjtin mendim me kritikun tjetër të Bashës, Genc Rulin, për sa i përket qëllimit të çadrës së opozitës e cila zgjati tre muaj.
Ajo, duke folur për “ABC News” sot, tha se çadra ishte e paramenduar nga Basha për të ruajtur pushtetin vetjak.
“Çadra i shërbeu vetëm një qëllimi, pushtetit të Bashës në PD. Ai mënjanoi të gjitha mbledhjet e strukturave me çadrën”, tha Topalli.
Genc Ruli, edhe ky një kritik i fortë i Bashës deklaroi dje në “ABC” se çadra kishte qëllim të sinqertë dhe se i ka shërbyer demokracisë, pavarësisht se çfarë ndodhi më pas. (B.H/Shuplaka)
Discussion about this post