Pas deklaratës që ka bërë paraditen e sotme Ministri i Jashtëm Gent Cakaj për 38 konsujt e nderit të cilët lëvizin me makina me targa diplomatike ka reaguar konsulli i nderit për Afrikën e Jugut, Zenel Hoxha.
Në reagimin e tij Hoxha thotë se titullin e ka të merituar sepse për 40 vjet ka qënë i angazhuar për liri dhe demokraci.
Megjithse ai pranon se vlerat e tij nuk kanë asnjë lidhje më target diplomatike të makinës që përdor, nuk është dakord më ministrin Cakaj.
Sipas Zenel Hoxha ato targa janë një domosdoshmëri për t’ju përgjigjur standarteve të Konventës së Vjenës.
Reagimi i plotë i konsullit të nderit për Afrikën e Jugut. Zenel Hoxha.
“Jam në Londër. Ne titullin e kemi merituar pas 40 vjet angazhim për lirinë e demokracinë.Vlerat e mia nuk kanë asnjë lidhje me targat. Ne jemi për të forcuar, shtuar substancen e jo fasadat. Ata qe mund të kenë abuzuar duhet të ndeshkohen. Përgjithesimi me ata që gabojnë është një akt që nuk përputhet me standardet demokratike. Shqipëria për çdo ditë e me tepër po bëhet një vend i rrezikshem, shqiptari e ka traditë me e prit mikun e me e percjëllë shëndoshë e mirë. Pritja e autoriteteve të vendeve që perfaqesojmë duhet ti pergjigjet standardeve të percaktuara qartë në Konventen e Vjenës. Shërbimi nga konsullatat e nderit eshte në dobi të Shqiperisë dhe mardhënjeve të saj me vendet përkatëse. Targat diplomatike janë kërkuar nga vendi që perfaqesojmë. Shteti shqiptar dhe sherbimi i tij i jashtëm kanë treguar gjithmonë seriozitet në mardhenjet dy palëshe e më gjere në 106 vitet qe kur u krijua.”
(s.a/faxweb.al)
