Mirion Çako, drejtori i zyrës së Katekizmit në Kishën Ortodokse të Shqipërisë i ftuar në studion e Fax Neës për të folur mbi çështjen e nismës së komunitetit LGBT në gjimnazet kundër bullizmit, nga pikëpamja religjoze e kishës.
Ne i referohemi Biblës, dhe në Shkrimin e Shenjtë na tregohet që njeriu është krijuar mashkull e femër nga Perëndia, heteroseksual. Ndryshimet seksuale natyra njerëzore i ka për një qëllim, i ka për qëllimin që të përjetësohet.
Çako tha se sipas ligjit të shenjtë, marrëdhënia homoseksuale është e neveritshme dhe e ndalueshme.
Bibla është edhe libër historik. Aty na tregohen edhe dy qytete Sodoma dhe Gomorra që e kishin ligjëruar praktikën e homoseksualitetit dhe Zoti i shkatërroi me zjarr dhe me squfur.
Janë bërë gërrmime arkeologjike dhe këto dy qytete gjenden poshtë nën sipërfaqen e Detit të Vdekur në luginën e Lumit Jordan.” – tha Çako për origjinën fetare të diskutimit të kësaj çështjeje.
Çako tha se kjo sjellje është mëkat.
Ne nuk e shohim si sëmundje. As si të lindur, nuk ka gen gay shkencëtarët e kanë vërtetuar këtë nga kërkimet. Ajo është sjellje e mësuar.
Mirion Çako shtoi se nuk duhet urryer njeriu por mëkatin.
“Njeriu lind me mëkat dhe duhet t’i luftojë e t’i largojë nga vetaj. Ne nuk jemi dakord që këto grupe interesi që kanë një fe që është koha e re që mund të bëj çfarë të dua nuk mund të promovohen në mënyrë publike nëpër shkolla.” – shtoi ai.
(E.L/Faxweb)
Discussion about this post