Drejtuesja e OMN-së Genoveva Ruiz Calavera nëpërmjet një letre ka sqaruar për Bordin e Monitorimit. Sipas saj qëllimi i OMN-së është të monitorojë dhe të japë sqarime.
“Detyra e tij nën udhëheqjen time mund të krahasohet me atë të njësisë së menaxhimit të projektit qëllimi i së cilës është të lehtësojë dhe të bashkojë punën e Komsiionit Europian dhe të qeverisië së SHBA. Bordi i OMN-së ka një natyrë tërësisht administrative. Detyrat e tij mund të krahasohen me ato të një Njësie për Menaxhimin e Projekteve dhe kanë për qëllim të lehtësojnë punën e përbashkët të Komisionit Europian dhe Qeverise Amerikane. ONM është një veprimtari jo-ekzekutive, qëllimi i vetëm i së cilës është monitorimi dhe sigurimi i rekomandimeve përgjate procesit të vettingut. Te gjitha vendimet ekzekutive i perkasin institucionve të Shqipërisë”,- sqarohet ndër të tjera në letër.
Në datën 20 shkurt ishte Ministri i Drejtësisë, Petrit Vasili, ai që i dërgoi një letër dy ambasadorëve, atij amerikan Donald Lu dhe asaj të BE-së, Romana Vlahutin ku theksonte se ngritja e Bordit të Monitorimit Ndërkombëtar është antikushtetues. Ai tha gjithashtu se për rolin që do të ketë ONM-ja duhet një marrëveshje ndërkombëtare. Pikëpyetje për funksionimin e këtij bordi ka ngritur më herët edhe ministrja tjetër e LSI-së, Klajda Gjosha. Madje edhe vetë Kreu i Shtetit, Bujar Nishani në një letër drejtuar Kuvendit shprehte shqetësimin e “Bordi i OMN-së mund të vepronte mbi Kushtetutë. (J.V/Shuplaka)
Discussion about this post