Zëvendësministrja e Zhvillimit Ekonomik në Itali, Teresa Bellanova, bën të ditur se ligji për call center-at i miratuar së fundmi nga Senati Italian, prek edhe kompanitë që operojnë në Shqipëri.
Ajo shprehet më tej se ligji lë një afat prej tre muajsh për t’u organizuar, çka do të thotë se rregullorja do të hyjë në fuqi 90 ditë pas botimit të ligjit në Fletoren Zyrtare.
Zv/ministrja thekson më tej se është parashikuar një gjobë prej 50,000 euro në ditë për ato sipërmarrje që nuk do të respektojnë rregulloren e re. Ajo shprehet për “Corriere” se është në dorë të klientit që ata të zgjedhin shërbimin nga operatori jashtë kufirit italian apo të preferojë një operator shërbimi në Itali apo në një vend tjetër të BE.
“Që nga prilli, ne mund të zgjedhin nëse duam të flasim në telefon me një italian. Legjislacioni, në sajë të një amendamenti të përfshirë në Ligjin e buxhetit të miratuar më 7 dhjetor, do të detyrojë kompanitë të njoftojnë paraprakisht vendin ku ndodhet fizikisht personi për të siguruar se bëhet fjalë për një operator nga Italia, ose nga një vend tjetër të BE-së “. shkruan “Corriere”.
Discussion about this post