President i Qendrës së Eksporteve Shqiptare, Alban Zusi, ka paralajmëruar së fundmi qeverinë për rrezikun dhe pasojat që po shkakton punësimi i mijëra të rinjve në Call Centre.
Gjatë një interviste për “Dita”, ai ndan mendimin se punësimi është duke cenuar rëndë cilësinë e edukimit dhe kualifikimit të të rinjve shqiptare. Shoqëria shqiptare dhe politikëbërja sipas tij, duhet të marrë vendime të dhimbshme për momentin por që do të garantojnë perspektivën e qartë të këtyre të rinjve dhe zhvillimit të vendit.
“Të gjithë të rinjtë të cilët mbarojnë studimet në degët e inxhinierisë, agronomi, teknologji apo kimi shkojnë e punojnë në Call Centre dhe kjo bën që në dyert e bizneseve shqiptare gjithnjë e më pak të trokasin të rinj me këto lloj kualifikimesh. Nuk e dimë se ku, pas 10 vitesh ne do ti gjejmë profesionistë për këto fusha.
Unë besoj se të rinjtë që kanë gjetur mënyrë punësimi në Call Centra jo studentët por ata pas universitar mbi 70 apo 80% e tyre do të gjenin punë në tregun e punësimit të biznesit privat. Ndërkohë për kategorinë tjetër e të punësuarve kur ata vijojnë studimet kam dyshimin e fortë nëse kjo praktikë duhet të vazhdojë. Kjo cënon rëndë cilësinë e edukimit dhe kualifikimit të tyre. Shoqëria shqiptare dhe politik bërja duhet të marrë vendime të dhimbshme për momentin por që do të garantojnë perspektivën e qartë të zhvillimit të vendit. Vende si Suedia që në moshën 10 vjeç krijojnë programe të veçanta për kualifikimin e fëmijëve për profesione si përshembull inxhinieri pra mendojnë për të ardhmen pas 15 vitesh. Ne atë që e kemi shumë të vlefshëm studentin e deformojmë. Madje tendenca dhe premtimi politik për ta nxitur këtë sektor në emër të uljes së papunësisë mendoj se është totalisht i gabuar nga pikëpamja e vizionit të zhvillimit të vendit.”, është shprehur ai ndër të tjerë.
Ai theksoi më tej se Qendra e Eksporteve Shqiptare mendon se qeveria duhet të gjejë politika demotivimi për të rinjtë që duan t’i drejtohen Call Centrave dhe për ti orientuar ato drejt bizneseve prodhuese. (XH.A/SHUPLAKA)
(Alban Zusi)
Discussion about this post