Ish lideri legjendar i kombëtares shqiptare, ndryshe nga shumë të tjerë që e kritikuan kombëtaren për pa përgjegjshmëri, ka thënë se ndeshje e rëndësishme është ajo me Izraelin dhe për këtë duht të përgatitet kombëtarja.
Cana ka thënë se ekipi e ka cilësinë për të marrë një rezultat pozitiv në ndeshjen me Izraelin sepse jemi pothuajse në të njëjtin nivel, ndoshta dhe më mirë.
“Skuadra ka një ndeshje të dielën dhe është e rëndësishme të jetë mirë atje. Lojtarët e dinë shumë mirë çfarë duhet të bëjnë. Jemi një skuadër që përsa i takon potencialit jemi në të njëjtin nivel me Izraelin apo edhe ndoshta më mirë. Duhet edhe pak fat. Nuk duhet të harrojmë që çdo ndeshje, çdo pikë, çdo ftore është e rëndësishme. Pavarësisht nëse kualifikohemi, pozicionohemi të dytët apo të tretët nuk ka rëndësi… E rëndësishme është që të bëjnë më të mirën dhe kam shumë besim te lojtarët të dielën”, theksoi ish kapiteni.
Ai ka folur edhe për zërat e fundit për një largim të munshëm të De Biassit drejt Kinës. Cana tha se ky është një vendim që I përket trajnerit dhe vetë institucioneve, sipas tij De Biassi ka bërë shumë për kombëtaren por nëse vendos të largohet ne duhet të ecim përpara.
“Këto janë gjëra që duhet të vlerësohen nga personat, nga institucionet dhe nga vetë i pari trajneri. Nëse ai ka dëshirë të vazhdojë, trajneri është një person që ka dhënë shumë dhe ka mundësi të japë ende edhe shumë. Është në dorën e tij. Por, nëse ka dëshirë dhe e ndjen që duhet të bëjë eksperienca të tjera, atëherë vetëm duhet falënderuar, ti heqim kapelën dhe të ecim përpara”, për Super Sport. (B.H/Suplaka)
