Emisioni “Zonë e Lirë” ka bërë të ditur në funpage-in zyrtar të tij se pjesë e emisionit sot do jetë kryeministri i Shqipërisë, Edi Rama. “E Premte 9 qershor. Edi Rama në “Zonë e Lirë”, njofton emisioni.
Kujtojmë se moderatori Arjan Çani ka komentuar dhe kritikuar vazhdimisht kryeministrin Edi Rama qoftë nga emisioni i tij, qoftë edhe i ftuar në emisionin “Opinion”. Shpeshherë ai e ka sulmuar tërthorazi ose drejtpërdrejtë atë.
Kurioziteti për këtë përballje të të dyve është mjaft i madh edhe për shkak se Edi Rama nuk ka qenë asnjëherë në emisionin e Arjan Çani. Në ndryshim nga Sali Berisha, Ilir Meta (i cili ishte i ftuar pak kohë më parë), Rama nuk ka qenë i pranishëm, ndërkohë që as nuk e ka komentuar këtë përballje.
Duke marrë në konsideratë kritikat e Çanit dhe batutat e Ramës, kjo përballje pritet të jetë interesante.
(XH.A/SHUPLAKA)
