Gazetari Arian Çani në “Studio e Hapur” ka treguar disa nga prapaskenat e intervistës me kryeministrin Rama. Çani tha se nuk e priste që Rama t’i shkonte në studio pas gjithë gjërave që kishte thënë për të, por shtoi se ai ishte komplet i painformuar për pyetjet.
Pjesë nga biseda:
Vasili: Si pranoi të vinte tek ty?
Çani: Strategjistët e tij të huaj dhe të vendit ndoshta, kam përshtypjen se i kanë thënë shko në çdo studio armike. Nuk erdhi tek unë përpara, ka shkuar edhe tek të tjerë, do vinte edhe tek unë…
Vasili: 7 vite janë shumë?
Çani: Ka shkuar gjithandej, pse të mos vinte edhe këtu
Vasili: Ti si e prite?
Çani: Kisha 7 vjet pa e takuar, vetëm njëherë i dhashë dorën në një pritje tek Pallati i Brigadave isha i ftohtë. Mund të kishte vendosur të mos vinte, por e vlerësoj si xhest kalorsiak atë që bëri. Ai nuk dinte asgjë për çfarë do e pyesja.
Duke komentuar deklaratat e Ramës për “kazanin mediatik”, Çani shtoi se “ai vdes pas kazanit, hiqi çdo gjë, por vetëm kazanin jo”.
“Ai është pjesë e këtij kazani, a do bënte gjë ai pa mediat?”, tha Çani.
(M.D/Shuplaka)
Discussion about this post