Carla Bruni-Sarkozi, ish-supermodele, ylli i pop-it francez, nëna e dy fëmijëve, gruaja e ish-presidentit francez Nikolas Sarkozi i është kthyer në pasionin e saj të fshehtë e cila është këndimi në mënyrë klasike. Këtë javë, albumi i saj i pestë, “French Touch”,do të bëjë debutimin e tij ndërkombëtar.
“Është albumi i ri pop i Bruni-Sarkozy i cili përfshin disa prej këngëve të saj të preferuara si versioni bluz të “Highway to Hell, “Miss You” nga Rolling Stones dhe një duet me Willie Nelson në klasikun e tij “Crazy” janë disa këngë të këtij albumi.
“Unë kam luajtur këto këngë aq shumë sa i njoh ata më mirë se unë,” tha ajo, “sepse ata janë lloj tatuazhi diku brenda meje.”
Edhe pse ajo u martua me presidentin Sarkozi në vitin 2008, martesë e cila tërhoqi shumë vëmëndjen e mediave të asaj kohe duke e konsideruar si martesë për hir të publicitetit, ajo asnjëherë nuk reshti së shkruari tekste këngësh.
Gjatë kohës që ishte në pallatin presidencial ajo publikoi albumin e saj të tretë, “Comme si de rien n’était” (“As If Nothing Happened”) .
Gjithsesi, ajo pohon se ka qenë e vështirë për të qenë njëkohësisht edhe gruaja e presidentit të francës edhe këngëtare. Këtu ajo i referohet Valérie Trierëeiler, të dashurës së François Hollande, i cili e goditi Sarkozy në zgjedhjet e vitit 2012.
Ajo ishte gazetare, profesion të cilin ajo nuk e ushtroi më pasi u bë gruaja e presidentit. Pavarsisht të gjithë “peripecive” që ajo ka kaluar mes të qenurit gruaja e presidentit dhe këngëtare ajo shprehet se nuk do të heq dorë nga muzika dhe do jetë gjithmonë aty duke shkruar tekste me kitaren e saj që asnjëherë nuk e lëshoi nga dora.
(B.N/SHUPLAKA)
Discussion about this post