Periudha Janar-prill 2017 është cilësuar nga Ministria e Brendshme me vendim të qeverisë si periudha në të cilën do të zbatohet amnistia për dorezimin e armëve. Ky dorëzim nuk do të bëhet personalisht nga individët në komisariate po ata që kanë një armë në shtëpitë e tyre duhet të lajmërojnë fillimisht në polici.
Kjo bëhet për të shmangur lëvizjen e lirë të njerëzve nën praninë e armëve me pretekstin se këto të fundit do t’i çojnë në komisariatin më të afërt.
Sipas një raporti të SHISH 40% e shqiptarëve kanë në shtëpitë e tyre një armë në mënyrë të jashtëligjshme. Po sipas këtij raporti një pjesë e konsiderueshme e këtyre armëve janë automatikë model 56, më pas pistoleta, armë zjarri gjahu dhe më pas lëndë plasëse.
4 në 10 familje shqiptare e kanë një armë në shtëpinë e tyre ose në një mjedis të afërt me të, kjo është një shifër shumë shqetësuese, dhe shpeshherë pretekti i përdorur nga institucionet për nivelin e kriminalitetit në vend.
Nuk dihet nëse kjo taktikë e ndërmarrë nga qeveria dhe Ministria e Brendshme do të funksionojë duke i dhënë fund këtij fenomeni të paligjshëm dhe shpesheherë katalizator i kriminalitetit. Duhet thënë se një pjesë e konsiderueshme e këtyre armëve kanë mbetur në familjet e shqiptarëve që nga trazirat e vitit -97 ku në shumë qytete u hapën depot e armëve, duke e bërë të mundur rënien e tyre në dorë të popullsisë civile. (E.K/ SHUPLAKA)
