Gjykata e arbitrazhit sportiv ka hedhur poshtë kërkesën e Federatës Serbe të Futbollit për mospranimin e Federatës së Futbollit Kosovar në Uefa.
Sipas vendimit të KAS-it, kjo kërkesë rrëzohet sepse Kosova është një shtet që ndodhet në Europë dhe është pjesë e Kombeve të Bashkuara.
Kështu Kosova e ka mposhtur edhe njëherë Serbinë në çështjet ndërkombëtare.
Për këtë vendim të Gjykatës Sportive ka reaguar edhe Presidenti i FFK-së, Fadil Vokrri i cili është shprehur se me këtë vendim është mposhtur edhe njëherë shteti serb.
“Edhe njëherë u dëshmua se kishim të drejt dhe CAS-i e njohu vendimin e UEFA-s si të ligjshëm në favorin tonë, e që unë isha thellësisht i bindur se një vendim i tillë do të sjellë CAS-i, sepse në anën tonë e kishim të drejtën tonë të cilën jo vetëm ne por edhe miqtë tanë e mbrojtën.
Me këtë edhe njëherë u mposht shteti serb, i cili kishte paguar alamet ekspertë për ta zhbërë vendimin e UEFA-s, si dhe iu mbyllë goja skeptikëve se gjoja mund të rikthehet vendimi i marrë nga Kongresi i UEFA-s i mbajtur më 3 maj 2016.
Ky vendim i CAS-it duhet të na fuqizojë edhe më shumë të gjithëve që të ecim tutje dhe ta bëjmë më të mirën e mundshme për futbollin e Kosovës, të plotësojmë kushtet dhe të arrijmë objektivat që na presin. Dua të falënderoj të gjithë ata që na ndihmuan dhe na besuan në këtë rrugëtim, duke mos harruar edhe ndihmën dhe mbështetjen edhe të miqve tanë që kurrë nuk na lanë vetëm në këtë rrugëtim, për të cilin u sakrifikuan shumë breza”, e ka mbyllur Vokrri. (K.P/Shuplaka)
