Claudio Ranieri rrëfehet pas shkarkimit nga posti i trajnerit të skuadrës së Leiçester City-t. Në një njoftim për mediat, 65- vjeçari italian shprehet tmerrësisht i zhgënjyer.
“Dje vdiq ëndrra ime. Pas euforisë së sezonit të kaluar dhe shpalljes kampion të Premier Ligës, krejt çka ëndërroja ishte qëndrimi te Leicester City, klub që e dua përgjithmonë. Fatkeqësisht nuk ishte e shkruar kështu”,ishte deklarata prekëse e Rainerit.
Ndër të tjera, ish-trajneri falenderon familjarët për mbështetjen e tyre, lojtarët, mediat dhe tifozët.
“Dua të falënderoj gruan time Rosannan dhe familjen për përkrahjen e tyre të pafund gjatë kohës sime te Leicesteri. Falënderimet shkojnë edhe për Paolon dhe Andrean, të cilët më kanë shoqëruar në këtë udhëtim të mrekullueshëm.
Kryesisht dua të falënderoj tifozët e Leicesterit. Aventura ishte e jashtëzakonshme dhe do të jetoj me mua përgjithmonë. Faleminderit për të gjithë gazetarët dhe medet që erdhën këtu dhe kënaqeshin duke raportuar për historinë më të madhe në futboll. Falënderimet e mia shkojnë për të gjithë në klub, për lojtarët, stafin, të gjithë që ishin pjesë e kësaj të arriture”, vazhdon më tutje ai.
Claudio Raineri ka mbajtur postin e trajnerit të Leiçester City-t që nga vera e 2015-ës. Pavarësisht sezonit të suksesshëm në Premier Ligue, ku skuadra doli fituese dhe Raineri u cilësua si trajneri i vitit, Leicester City vendosi ta shkarkonte. (D.D/Shuplaka)
Discussion about this post