Burime nga Presidenca konfirmojnë për Fax News se Presidenti, Ilir Meta nis nesër ditën dhe javën në ora 08:00 me konferencën e jashtëzakonshme për mediat për shtyrjën e datës se zgjedhjeve lokale.
Kujtojmë se Presidenti i vendit Ilir Meta ka vendosur ditën e djeshme, kur sapo kishte nisur protesta e opozitës para godinës së kryeministrisë, që të shfuqizojë dekretin për mbajtjen e zgjedhjeve në 30 Qershor. Ky vendim sipas Metës është marrë për shkak të situatës ekstreme në të cilën janë pozicionuar palët në vendin tonë.
Ky vendim i papritur i Presidentit është përshëndetur nga përfaqësuesit e opozitës, por nga ana tjetë mazhoranca e ka konsideruar si të paligjshëm dhe anti- kushtetues dhe më i ashpë ka qebnë vetë kryeministri Rama i cili tha sot gjat një mitingu në Burrel, se me kë vendim Meta nuk meriton të qëndrojë më në zyrën e tij (lexo këtu).
Ndërkoh Meta kishte paralajmëruar më herët se komunikimin e parë pë të dhënë përgjigje shterruese lidhur me këtë vendim do t’a bënte ditën e hënë me datë 10 Qershor.
“Në komunikimin e parë ditën e hënë, datë 10 qershor, në mëngjes, Institucioni i Presidentit të Republikës do të bëjë publikisht me dije të gjithë argumentat shteruese kushtetues, ligjorë dhe logjikë që çuan në marrjen e këtij vendimi”, shprehet Meta në deklaratën e tij.
Deklarata e plotë e presidentit Meta bërë ditën e djshme:
1. Me shqetësimin e thellë për situatën kritike të krijuar në vend si pasojë e mos-reflektimit të asnjërës palë;
2. Duke patur parasysh domosdoshmërinë e çtensionimit urgjent të situatës dhe të rrezikut të përshkallëzimit të paparashikueshëm të konfliktit në vend;
3. Duke marrë përgjegjësinë e lartë kushtetuese e institucionale, dhe i bindur se mbrojtja e parimeve kushtetuese është më e rëndësishme se çdo afat ligjor, si Kreu i Shtetit dhe duke iu përmbajtur betimit për t’i shërbyer ruajtjes me çdo kusht të stabilitetit, paqes sociale dhe unitetit kombëtar;
4. Me vetëdije të plotë se kushtet aktuale nuk mundësojnë zhvillimin e zgjedhjeve të vërteta, demokratike, përfaqësuese dhe gjithëpërfshirëse. Zgjedhjet e lira dhe të ndershme janë kriter kryesor i Kopenhagës dhe në kushtet aktuale, për mungesë përgjegjësie të të dy palëve, po shkojmë drejt votimeve një partiake. Në këtë mënyrë minohet çdo mundësi për çeljen e negociatave të anëtarësimit me Bashkimin Evropian, dëmtohet imazhi si vend anëtar i NATO-s dhe cenohet kryesimi i OSBE-në për vitin 2020;
5. Duke ftuar të gjithë aktorët e përgjegjshëm vendas dhe ndërkombëtarë të bashkojnë kontributet konstruktive për rivendosjen urgjent të dialogut të pazëvendësueshëm politik dhe për gjetjen e një zgjidhjeje të shpejtë dhe që i shërben të ardhmes evropiane të Shqipërisë;
Kam vendosur të shfuqizoj Dekretin nr.10928, datë 05.11.2018 për zhvillimin e zgjedhjeve për organet e qeverisjes vendore më datë 30 qershor 2019.
Në komunikimin e parë ditën e hënë, datë 10 qershor, në mëngjes, Institucioni i Presidentit të Republikës do të bëjë publikisht me dije të gjithë argumentat shteruese kushtetues, ligjorë dhe logjikë që çuan në marrjen e këtij vendimi.
U bëj thirrje udhëheqësve të opozitës që protesta e sotme të zhvillohet në mënyrë tërësisht paqësore, larg çdo akti dhune.
Njëkohësisht u tërheq vëmendjen të gjitha palëve që të shmangin çdo provokim që mund të shfaqet gjatë protestës.
Shqipëria e para!
Shqipëria si gjithë Evropa!
(F.GJ/FAXWEB.AL)
