Ditën e djeshme në mënyrë të papritur Eduard Halimi hoqi dorë nga mandati i tij në qarkun e Beratit.
Duke shtruar kështu mundësitë se kush do të zinte vendin e tij. Ligjërisht mandati i tij duhet që t’i kalonte psikologes së re Juvina Jani. Ajo ishte femra e parë në listën e PD-së së qarkut të Beratit pasi kjo forcë nuk ka respektuar barazinë gjinore.
Jani tha dje se e do ta refuzojë mandatin e deputetes duke u shprehur se i duhet të përkushtohet ndaj djalit të saj mitur që vuan nga një sëmundje e rëndë. Ajo shtoi se shumë shpejti duhet të udhëtojë jashtë vendit.
Në listë femra tjetër që ndodhet pas Janit është Monika Qosja. Ajo është e fundit në listën e PD-së për këtë qark.
E pyetur për këtë çështje, Qosja tha se ende nuk ka marrë asnjë njoftim për mandatin e deputetit, por nëse kjo do të ndodhë do ta pranojë atë. “Do ta pranoja me kënaqësi, do të ishte një vlerësim për mua” – tha ajo. Në zgjedhjet e 25 qershorit, PD mori vetëm një deputet në Berat.
Na mbetet të presim dhe të shohim nëse krejt rastësisht dhe Qosja do të refuzojë në mënyrë që mandatit ta marrë biznesmeni Astrit Veliaj.
LISTA/ Qarku Berat
Eduard Halimi
Astrit Veliaj
Lefter Maliqi
Bujar Hoxhaj
Myslym Haxhi
Juvina Jani
Monika Qosja
(E.K/FAXWEB)
Discussion about this post