Zëdhënësja e Partisë Demokratike Ina Zhupa, i bashkohet grupit të politikanëve, gazetarëve e analistëve që janë shprehur kundër publikimit që kryeministri Edi Rama bëri në Facebook pasditen e sotme, ku jepeshin emrat e 100 zyrtarëve të cilët sipas komentuesve kishin lidhje me korrupsionin dhe abuzimet që bëhen në Administratë.
Zhupa e cilëson publikimin e kësaj liste, mbi të gjitha përfshirjen e mjekut neurolog Mentor Petrela në të, si provë të degradimit të kryeministrit.
“Nuk mund të pranohet që kryeministri i vendit të denigroj profesionist të fushave të ndryshme, me një listë që e shpalli si të zezë. Denigrimi i personaliteteve të rëndësishme siç është rasti i Prof.Dr. Mentor Petrelës është prova e degradimit që po pëson një kryeministër që mendon se u bë udhëheqës suprem që vendos drejtësinë e popullit në Facebook.”, shkruan Zhupa, e cila më tej shton se nëse ndiqet ky mentalitet, çdo kush mund ta gjejë veten në gjyq publik në murin e kryeministrit.
REAGIMI I ZHUPËS
Në murin e kryeministrit shpallen armiqtë e popullit!!!
Nuk mund të pranohet që kryeministri i vendit të denigroj profesionist të fushave të ndryshme, me një listë që e shpalli si të zezë. Denigrimi i personaliteteve të rëndësishme siç është rasti i Prof.Dr. Mentor Petrelës është prova e degradimit që po pëson një kryeministër që mendon se u bë udhëheqës suprem që vendos drejtësinë e popullit në facebook. Mjeku Petrela është figurë e shquar, e rëndësishme e mjekësisë shqiptare dhe një vlerë që i shërben prej vitesh popullsisë së gjithë Shqipërisë.
Po rikthen metodën e njohur në Shqipërinë komuniste:” Ç’do populli bën partia, ç’do partia bën populli ” dhe mendon se kështu mund të shpall armiqtë në emër të popullit. E pamoralshme, po aq sa e papranueshme edhe e turpshme. Duhet ta refuzojmë me përbuzje. Dhe të mos harrojmë që në të tillë mentalitet vjen dita që secili nga ne mund ta gjej veten në gjyq publik në murin e kryeministrit, teksa denigrohet dhe dënohet në emër të popullit. (D.D/Shuplaka)
Discussion about this post