Këtë të diel në Turqi u zhvilluan zgjedhjet lokale, zgjedhje të cilat ishin një “referendum” që Erdogan të maste pozitat e tij politike pas krizës së thellë ekonomike që po kalon vendi.
Erdogan doli fitues në rang vendi gjatë këtyre zgjedhjeve por me një ndryshim të madh nga zgjedhjet e kaluara, pasi humbi kryeqytetin e vendit, Ankaranë.
Kjo ka përbërë lajm në mediat botërore, të cilat citojnë se Mansur Zavas fitoi përballë kandidatit të koalicionit të Erdogan.
Ankaraja qeveriset prej 16 vitesh nga konservatorët islamikë, ndërkohë, në fjalën e mbajtur para përkrahësve të partisë se tij Erdogan tha:
“Çdo humbje dhe fitore dëshmon vullnetin e popullit tonë dhe duhet ta pranojmë atë si fakt i demokracisë. Duhet të pranojmë se fituam zemrat e njerëzve në këto zgjedhje në shumë qytete dhe pavarësisht se humbën në disa do të sillemi si duhet ”.
(F.GJ/FAXWEB.AL)
Discussion about this post