Pavarësisht se ish-kryeministri Berisha ka vendosur të luajë në prapavijë, ai mbetet një nga figurat më të rëndësishme në PD dhe jo vetëm.
Pak minuta para se të bënte deklaratën se negociatat kishin dështuar kreu i opozitës Basha është konsultuar në një takim me Berishën.
Sot ish-kreu i PD-së do të jetë në një intervistë te Ilva Tare për të folur më shumë rreth qëndrimeve që PD-ja do të mbajë.
Pyetjet që shtrohen janë të shumta dhe interesi pritet të jetë shumë i lartë.
“Mirënjohje të thellë për David McAllister, si dhe për Knut Fleckenstein të cilët erdhën sot në Shqipëri dhe nuk kursyen asnjë përpjekje për zgjidhjen e krizës. Falenderime PD-së dhe çdo qytetari protestues. Për fat të keq, përpjekja e dy ndërmjetësuesve nuk pati sukses kjo sepse Edi Rama refuzon qeverinë teknike si zgjidheje e vetme dhe e ndershme për të krijur kushtet dhe premisa të barabarta për të zbatuar dekriminalizmin, për të luftuar paratë e drogës dhe për zgjedhje të lira e të ndershme.
Ky refuzim ka për bazë frikën e Edi Ramës për të lëshur karrigen kryeministrore. Ju duhet ta dini se PD ka rënë dakort me një numër të madh propozimesh teknike që do të ndihmonin situatën.
Kushti mbetet qeveria teknike, për të krijuar kushte për zgjedhje të lira dhe të ndreshme. Dua të denoncoj dhe të dënoj aktin e kondicionimit së dekiminalizmit me gjoja votën e vettingut. PD angazhohet solemnisht që me një qeveri teknike të zbatohet plotësisht ligji për dekriminalizimin. Javën e ardhshme nisim përshkallëzimin e mosbindjes civile anë e mbanë Shqipërisë. Koha kur bëheshin votime por jo zgjedhje ka marrë fund”,- deklaroi dje Basha pas takimit me Berishën. (E.K/SHUPLAKA)
