Ministria për Evropën dhe Punët e Jashtme informon të gjithë qytetarët shqiptarë që ndodhen në Spanjë, se janë pezulluar të gjithë procedimet administrative përgjatë gjendjes së emergjencës, për shkak të COVID-19.
Si rrjedhojë, të gjithë shtetasit e huaj, që nuk mund të kthehen në vendet e tyre të origjinës nuk do të preken gjatë kësaj periudhe të jashtëzakonshme dhe po ashtu për këta qytetarë nuk do të ketë sanksione për tejkalim të afateve të qëndrimit.
Gjatë gjithë këtyre ditëve MEPJ ka pasur kontakte me ministritë e jashtme të vendeve ku ka më së shumti shqiptarë, pjesa dërrmuese e së cilave e kanë marrë parasysh gjendjen e emergjencës, dhe kanë shtyrë afatet për lejet e qendrimit.
Përjashtim bën Danimarka, e cila njoftoi se do të ndërmarrë sanskione ndaj çdo shtetasi që shkel afatet e qendrimit, pavarësisht gjendjes së emergjencës dhe mbylljes së kufijve në shumë vende të Europës.
(E.K/Faxweb.al)
