CDU/CSU ka reaguar për 9 kushtet që Bundenstagu Gjerman ka vendosur për Shqipërinë. Në reagimin e CDU/CSU thuhet se kushtet e Shqipërisë janë më të rrepta se të Maqedonisë së Veriut.
Vendit fqinj i propozohet që ti hapen negociatat me një datë konkrete, ndërkohë që Shqipëria mbetet pas, dhe do ta arrijë këtë vetëm pasi të plotësojë kushtet e vendosura nga deputetët gjerman.
“Duhen plotësuar kushtet që kemi vendosur. Duhet të nis puna dhe funksionimi i sistemit të drejtësisë.
Si dhe zgjidhja e një reforme zgjedhore. Deri në hapjen aktuale të kapitujve, kushtet e tjera duhet të përmbushen, siç është fillimi i procedurave kundër gjyqtarëve dhe prokurorëve të inkriminuar.
Prandaj, në negociata, kapitujt mbi sundimin e ligjit dhe drejtësia u hap e para dhe u mbyll e fundit,” thuhet në reagimin e CDU/CSU.
Për Shqipërinë janë vendosur 9 kushte, ndërsa për Maqedoninë e Veriut, janë shprehur pro negociatave pasi kanë plotësuar kushtet për të hapur negociatat.
Kujtojmë se ditën e djeshme, Bundenstagu Gjermani mbështet hapjen e negociatave, por me kushte për Shqipërinë.
Në fillim ishin 7 kushte, por ditën e djeshme u shtuan edhe 2 kushte të tjera.
Bundestagu gjerman i kërkon Qeverisë Gjermane që t’i bëjë të qartë Shqipërisë, se nëse pas hapjes së negociatave të pranimit, Shqipëria vonon, pezullon ose tërheq përmbushjen e detyrimeve, atëherë negociatat e pranimit duhet të ndalojnë dhe në rast dyshimi, të ndërpriten.
Nëntë kushtet e plota:
- Gjatë zbatimit të disa prioriteteve kyçe faktikisht u arrit progres, por gjithashtu ekzistojnë shumë deficite. Institucionet e reja për vetë-administrimin në fushën e drejtësisë faktikisht janë ngritur, por nuk janë akoma funksionale.
- Kultivimi i drogës mundi të frenohej, por në vend të saj është rritur roli i Shqipërisë në trafikun e saj. Shqipëria mbetet sidoqoftë, bazë e trafikut të drogës për tregun evropian. Trafiku i drogës është rritur ndjeshëm.
- Shqipëria është në një krizë të rëndë politike pa zgjidhjen e së cilës hapja e negociatave vështirësohet në mënyrë të konsiderueshme. Bundesatg i bën thirrje palëve politike të hedhin të gjithë hapat e mundshëm për të zgjidhur sa më shpejt krizën e rëndë politike.
- Gjykata Kushtetuese dhe Gjykata e Lartë janë jo funksionale.
- Reforma Zgjedhore nuk është miratuar dhe rekomandimet e OSBE-ODIRH nuk janë zbatuar.
- Deri tani nuk është lëshuar asnjë urdhër arresti nga Prokuroria për ata që akuzohen për blerje votash. Duhet të fillojnë menjëherë procedime penale dhe të përfundojnë shpejt.
- Për zgjedhjet vendore të 30 qershorit 2019 mungon një vendim mbi ligjshmërinë e tyre. Nevojitet një vendim urgjent i Gjykatës Kushtetuese për ligjshmërinë e këtyre zgjedhjeve.
- Të hetohen zyrtarët dhe politikanët e nivelit të lartë.
- Reforma e administratës publike po përparon ngadalë.
Njoftimi zyrtar i CDU/CSU qartëson edhe më shumë faktin se rruga e integrimit për Shqipërinë dhe Maqedoninë e Veriut është ndarë.
(K.H/Faxweb.al)
