Aktivistët e LGBT thonë se javën e kaluar janë ndaluar 100 homoseksualë dhe janë vrarë tre prej tyre.
Gazeta ruse Novoya ka raportuar se autoritet kanë ngritur disa kampe ku homoseksualët ose janë vrarë ose janë detyruar që të premtojnë se do të largohen nga Republika e Çeçenisë.
Një nga kampet raportohet se ndodhet në ish-selinë ushtarake në qytetin Argun.
Të burgosurit janë torturuar për të treguar se kush janë anëtarët e tjerë të komunitetit të LGBT dhe disa prej tyre, që të shpëtonin, i kanë paguar rryshfet policisë çeçene.
“Homoseksualët janë ndaluar dhe janë arrestuar. Ne jemi duke punuar që të evakuojmë njerëzit nga kampet dhe disa prej tyre tashmë kanë arritur të largohen,”- ka thënë Svetlana Zakharova, aktiviste e LGBT në Rusi, për DalyMail.
“Ato që janë arratisur kanë thënë se janë mbajtur në të njëjtën dhomë rreth 30 ose 40 persona të cilët janë tortuar me rrymë elektrike dhe janë rrahur për vdekje.”
Lideri çeçen Kadyrov dyshohet si i përfshirë vetë në këtë fushatë. Një zëdhënës i tij i pyetur nga mediat për këtë situatë ishte shprehur se “ne nuk mund të arrestojmë njerëz që nuk ekzistojnë në republikën tonë”, duke thënë se në vend nuk ka homoseksualë. (M.D/ Shuplaka)
