Ndërkohë që po zhvillohet ceremonia e hapjes së ambasadës së SHBA në Jerusalem, ashtu siç kishte paralajmëruar kohë më parë presidenti Trump, në Gaza ka shpërthyer dhuna ku trupat kanë vrarë dhjetëra palestinezë që protestojnë kundër lëvizjes së ambasadës amerikane në Jerusalem , shkruan The Guardian.
Qendra e Informacionit izraelit për të Drejtat e Njeriut në Territoret e Pushtuara, e ka dënuar Izraelin pasi ka treguar “një indiferencë të tmerrshme ndaj jetës njerëzore”.
“Izraeli kishte shumë kohë për të dalë me mënyra alternative për trajtimin e protestave, përveç qitjes së municioneve. Fakti që po përdoren armë zjarri si masa e vetme që ushtria izraelite po përdor , tregon një indiferencë të tmerrshme ndaj jetës njerëzore nga ana e qeverive dhe zyrtarëve të lartë ushtarakë izraelitë. B’Tselem kërkon një ndalim të menjëhershëm të vrasjes së demonstruesve palestinezë. Nëse zyrtarët përkatës nuk lëshojnë një urdhër për të ndaluar zjarrin vdekjeprurës, ushtarët në terren duhet të refuzojnë të veprojnë në përputhje me këto urdhra të paligjshëm”, thuhet në deklaratë.
Cal Perry i NBC vë në dukje kontrastet në optikën e ditës: “Zyrtarë të veshur mirë amerikanë dhe izraelitë në njërën anë të ekranit: dëshpërimi, vdekja dhe zjarret nga ana tjetër”.
Në ceremoninë e hapjes së ambasadës amerikane merr pjesë edhe Ivanka Trump, vajza e presidentit Donald Trump.
(B.H/Faxweb)
Discussion about this post