Mbërrijnë në Zharrës shoqet dhe shokët e Arielës për ti dhënë lamtumirën e fundit (FOTO-VIDEO)
Shokët dhe shoqet e Arielës kanë mbërritur në Zharrës për ti dhënë lamtumirën e fundit students së juridikut e cila u vra dje në Tiranë nga Aldison Belulaj, djali që ajo refuzoi të lidhej me të.
Vrasja e vajzës 21 vjeçare Ariela Murati ditën e djeshme në Tiranë ka shkaktuar jo pak tronditje në fshatin e Zharrëzës, prej nga ishin dhe dy të rinjtë.
Dy të rinjtë, edhe pse jo në të njëjtën klasë, kishin qenë nxënës të shkollës së mesme “Sotir Capo” në Zharrë.
Mësuesit dhe nxënësit në shkollë shprehen të tronditur nga ngjarja. Sipas drejtoreshës së shkollës, Mireta Nasto, në kujtesën e saj, Arjela ishte një vajze shembullore, inteligjente dhe me potenciale të shumta.
Sipas saj edhe Aldisoni ka qenë nje nxënës i rregullt. Po, ashtu, edhe mësuesja e matematikës, Mirjana Semini shprehet se Arjela ishte një vajzë e shkëlqyer dhe qe ishte shembull për të gjithë. Ajo shpreh keqardhjen dhe tronditjen e saj për këtë ngjarje.
“Jemi shumë të shokuar nga ajo që ka ndodhur. Ariela ka qenë një nxënëse ekselete, me nota të mira. Vinte nga një familje shumë e mirë.
Por edhe djali nuk ka qenë problematik në shkollë. Ariela vinte shpesh herë në shkollë për të pyetur për motrën e saj, pasi ajo është më e vogël. Interesohej shumë për notat e motrës së saj”, është shprehur drejtoresha.
Aldisoni ndodhet në gjendje të rëndë, ndërsa Policia ka lëshuar edhe urdhër-arrestin ndaj tij.
https://www.youtube.com/watch?v=bSkHhwEa1Zw&feature=youtu.be
(B.H/Faxweb)
