Nderimet dhe thirrjet raciste kundër shqiptarëve në ceremoninë e varrimit të Kostandinos Kacifas në Bularat, kanë irrituar avokatin e njohur Spartak Ngjela.
Përmes një postimi në ‘Facebook’ ai është shprehur se ajo çfarë ndodhi në Bularat është një turp, ku sipas tij një terrorist u varros me ceremoni.
Më tej Ngjela shkruan se shteti grek në krizë po provokon shqiptarët, por sipas tij kjo fushë veprimi e tyre vjen edhe sepse Shqipëria ka një kryeministër pa vlerë kombëtare.
Megjithatë ai shprehet se grekët janë të humbur, dhe për këtë nuk ua kanë fajin shqiptarët por ata që i gënjyen për 150 vjet për historinë e falsifikuar.
Postimi i plotë:
Turpi grek i Bularatit.
Varroset me ceremonial një terrorist. Njëlloj si të vrarët e Mafies apo terrorizmit ndërkombëtar.
Një ceremoni varrimi që u fillua si heroike dhe përfundoi qesharake. Ca të çmendur që bërtasin; dhe pleq të Anadollit që as vetë nuk e dinë përse kanë ardhur në Shqipëri.
Janë për të qarë hallianë. Shteti grek në krizë që vjen dhe provokon shqiptarët në Shqipëri.
Por kanë fushë veprimi nga një kryeministër pa asnjë vlerë kombëtare, që me naivitet, njëlloj si Saliu, të dy bashkë menduan se mund të destabilizonin Shqipërinë me ca lapaculë anadollakë të ardhur nga Greqia.
Asgjë nuk mund t’i bëjnë dot Shqipërisë këta njerëz pa asnjë vlerë, që vinë këtu për të fyer shqiptarët. I patë? Të çmendurit që kërkojnë antihistorinë.
Asgjë nuk iu bëjnë dot shqiptarëve, sepse gjithçka po shkon drejt bashkimit gjithëshqiptar në Ballkanin Perëndimor.
Ky turp i sotëm, do të jetë sigurisht fakt dobibrurës në ecurinë drejt rikthimit të personalitetit shqiptar në Ballkanin Perëndimor.
Janë të humbur historikë këta grekë që bërtasin sot në jerm në Shqipëri… por këtu nuk ua kanë fajin shqiptarët, por ata që në 150 vjet i kanë gënjyer për historinë e tyre të falsifikuar.
Shqipëria po shkon e sigurt drejt bashkimit gjithëshqiptar, duan apo nuk duan neoandartët qesharakë grekë.
(B.H/Faxweb)
Discussion about this post