Pas letrës së kryetarit të Kuvendit, Ilir Meta, për të thirrur sa më shpejt të jetë e mundur Këshillin e Sigurisë Kombëtare për t’i dhënë një zgjidhje çështjes së Balilit, vjen edhe reagimi i Presidentit Bujar Nishani.
Sipas një të përditshmeje shqiptare, kreu i shtetit e vlerëson si shumë të rëndësishme çështjen e mosarrestimit të Klemend Balilit, i njohur ndryshe edhe si “Escobari i Ballkanit”.
“Shqetesimi i ngritur ne leter eshte i drejte. Çeshtja eshte shume e rendesishme pasi ka te beje me veprimtarine e agjensive ligjzbatuese ne luften kunder krimit te organizuar shqiptar, veprimtaria e te cilit i ka kaluar edhe kufijte e Shqiperise. Organizatat e trafikut te droges jane sot partneret kryesor te grupeve terroriste ne kuptimin e shkembimit te parave kriminale. Ky rast perben edhe nje adresim konkret shqetesimi nga aleatet tane strategjik ne çeshtjet e sigurise. Se shpejti Presidenti do te therrase edhe mbledhjen e Keshillit”, nje burim afer Presidentit.
Lajmi për mbledhjen e Këshillit të Sigurisë u bë i ditur edhe nga televizioni “Klan” pak orë më parë. (D.D/Shuplaka)
Discussion about this post