Edhe pse Shqipëria dhe Greqia është në një process negociimi për zgjidhjen e çështjeve të mbartura ndër vite, kjo nuk ka përbërë ndonjë arsye për presidentin grek Prokopis Pavlopulos që të tregohet I matur me deklaratat tij.
Gjatë një vizite në Shtabin e Forcave Ajrore në Larisa, presidenti grek tha se çështja came nuk ekziston dhe se është e pakapërcyeshmë që Shqipëria të ngrejë një çështje të tillë.
Siç njofton media greke“Ert.gr” gjatë një vizite në Shtabin e Forcave Ajrore, në Larisa presidenti grek I cilësoi çamët si pjesë të mizorive naziste gjatë Luftës së Dytë Botërore.
“Është e pakonceptueshme që udhëheqja e Shqipërisë të ngrejë çështje çame. Përveç faktit se kjo çështje nuk ekziston, është më mirë që Shqipëria të mos kujtojë se çfarë do të thotë historia e të ashtuquajturave çamë gjatë periudhës së mizorive naziste në Greqi.
Nëse dëshiron të ketë ndonjë perspektivë evropiane. Më vjen keq që jam i drejtpërdrejtë, por në ditë të tilla si kujtimi i holokaustit ata guxojnë të flasin për çamët.
Më mirë të mos kujtojmë historinë e atyre që u shfaqën si çamë në hapësirën greke”, tha presidenti grek.
Kujtojmë që edhe ministri i jashtëm grek Nikos Kotzias ishte shprehur më parë se pala shqiptare ia kishte shtruar çështjen came por pala greke kishte thënë se nuk ekziston dhe diskutimi ishte mbyllur aty. (B.H/Faxweb)
Discussion about this post