Pas Greqisë edhe Serbia i ka kthyer shpinën Maqedonisë. Kryeministri grek Aleksis Cipras i drejtoi Shkupit vetëm një ditë më parë deklarata nacionaliste, mesa duket këto kanë qenë të kordinuara nga mes dy qeverive asaj serbe dhe greke.
Kryeministri Tsipras theksoi se pavarësisht vullnetit grek çështja e emrit nuk mund të zgjidhet për aq kohë sa Maqedonia promovon politikë irredentiste dhe nacionaliste.
“Është e pakontestueshme që Serbia ka ndryshuar qëndrimet ndaj Maqedonisë, kjo është edhe në kontekst të marrëdhënieve me Greqinë sepse të mos harrojmë se kishte parashikime se Athina deri në fund të vitit të kaluar do ta njihte Kosovën. Tani Tsipras tha se një gjë e tillë nuk do të ndodhe. Tërheqja e Beogradit nga njohja e emrit tonë kushtetues është një hap negativ dhe mendoj se me një veprim të tillë Beogradi kthehet në skenën politike të Ballkanit me një konflikt të drejtpërdrejtë me Maqedoninë me kthimin e politikës nacionaliste serbe që i ngjan kohës së Milloshevicit”, deklaroi Risto Nikovski, ish diplomat, njofton Alsat-M.
Po kështu sipas analistëve edhe pse faji për mos zgjidhjen e çështjes së emrit nuk mund t’i faturohet vetëm Maqedonisë vendi ka dështuar në realizimin e prioriteteve sa i përket politikës së jashtme dhe kultivimit të marrëdhënieve të mira ndër-fqinjësore.
“Situata përkeqësohet si në procesin e integrimeve evropiane ashtu edhe sa i përket marrëdhënieve të mira ndër- fqinjësore me më shumë fqinjë, jo vetëm me Serbinë, edhe me Bullgarinë, me Shqipërinë, Greqinë, Kosovën, kemi pasur më pak ose më shumë probleme por ja që edhe tani kemi probleme me të gjithë fqinjët. Kjo nuk është mirë as për Maqedoninë as për Serbinë e cila ka probleme me Kroacinë dhe Bosnjën, pra prapë lindin konfliktet politike në Ballkan që nuk do të ndihmojnë askënd në rajon”, deklaroi Bojan Mariçic, nga qendra maqedonase për edukim evropian. (J.V/Shuplaka)
Discussion about this post