Gjatë samitit të vendeve të Ballkanit Perindimor që po mbahet këto ditë në Londër, në një intervistë të dhënë për Reuters, kryeministri Maqedonas Zoran Zaev tha se Maqedonia ofron katër opsione për emrin e ri të Maqedonisë. Propozimet konkrete sipas kryeministrit janë: Republika Veriore e Maqedonisë, Republika e Epërme e Maqedonisë, Republika e Maqedonisë së Vardarit, Republika e Maqedonisë (Shkup).
Maqedonia shpreson që kontesti do të zgjidhet në kohë për të marrë rekomandim për negociata për fillimin e bisedimeve me BE-në në qershor dhe vërtetim të ftesës për anëtarësimon në NATO në korrik të këtij viti, shkruan më tej Reuters.
I pyetur nëse sipas tij Greqia do të pëlqejë ndonjë nga këto opsione, ai u përgjigj se ‘po, ata kanë në tavolinë emra që preferojnë më shumë dhe emra që preferojnë më pak’ . Ai shtoi se problem për t’u diskutuar mbetet nëse Greqia insiston edhe për ndryshimin e Kushtetutës aktuale të Maqedonisë.
(M.Q/Faxweb)
