15:50 | 11/06/2025
Nuk ka rezultat
View All Result
FaxWeb
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione
Nuk ka rezultat
View All Result
FaxWeb
Nuk ka rezultat
View All Result
Fillimi Aktualitet

Çështja e kufijve/ Flet Mathew Palmer: Kosovë-Serbi të vendosin vetë

22:41 | 23/10/2019
në Aktualitet, Flash, Te Fundit, Te Gjitha
0
“Krijimi i qeverisë, sfida e tanishme”, Palmer për Kosovën: Të pezullohet tarifa me Serbinë, shpresojmë që Beogradi të…

I dërguari i posaçëm amerikan për Ballkanin Perëndimor, Mathew Palmer tha të mërkurën se u takon Kosovës dhe Serbisë nëse do të diskutohet apo jo çështja e kufijve në kuadër të përpjekjeve për normalizimin e marrëdhënieve ndërmjet tyre.

Gjatë një dëgjese në Komisionin e Punëve të Jashtme të senatit amerikan, zoti Palmer tha se Shtetet e Bashkuara duan të shohin një marrëveshje me autorësi lokale dhe që duhet të jetë gjithëpërfshirëse.

“Ajo që ne do të dëshironim të shohim është një marrëveshje e qëndrueshme, që është në pronësi lokale, për të cilën të mund të binden si në Serbi ashtu edhe në Kosovë. Mendoj se është e rëndësishme të nënvizohet një marrëveshje që është gjithëpërfshirëse, që përbën normalizim të plotë, që është shumë dimensionale; ajo do të kishte një komponent të sigurisë, një komponent politik, një komponent ekonomik dhe tregtar, do të kishte edhe një komponent kulturor.”

Sa i përket faktit nëse kufijtë mund ose mund të mos jenë pjesë e një zgjidhjeje gjithëpërfshirëse, kjo varet nga palët për ta vendosur, tha zoti Palmer.

Duke iu përgjigjur shqetësimeve për ndikimet që mund të kishte ndryshimi i kufijve në pjesë të tjera të rajonit, zoti Palmer tha:

“Unë e kuptoj absolutisht argumentin e ‘kutisë së pandorës’ që i ka bërë shumë vëzhgues në Ballkan të pyesin se nëse ndryshoni një kufi këtu çfarë ndodh me një kufi atje, ku duhet hequr vija? Unë mendoj se ky është një shqetësim legjitim. Dhe nëse palët lëvizin në drejtim të diskutimit të këtyre çështjeve, kjo është diçka me të cilën ne do të duhet të punojmë dhe të shohim se a është ky një rrezik që mund të menaxhohet siç duhet.”

Zoti Palmer tha se partitë politike fituese të zgjedhjeve në Kosovë e kanë bërë të qartë se nuk duan të flasin për këtë çështje.

Tani për tani, tha zoti Palmer, jam duke punuar me ambasadorin Grenell për të identifikuar rrugën për t’u rikthyer te negociatat.

Ai tha se qeveria e re e Kosovës duhet të pezullojë tarifat ndaj mallrave serbe, ndërsa Serbia duhet t’i japë fund fushatës për delegjitimimin e pavarësisë së Kosovës, në mënyrë që të mundësohet rifillimi i bisedimeve.

Zoti Palmer i cilësoi zgjedhjet e 6 tetorit në Kosovë si shumë të rëndësishme për Kosovën, ndërsa nënvizoi se “kjo do të jetë qeveria e parë pa forcat që kanë pasuar ish Ushtrinë Çlirimtare të Kosovës… pa figurat nga e kaluara.” “Kjo dëshmon dëshirën e qytetarëve për ndryshim”, tha zoti Palmer duke theksuar se qeveria e re pritet të formohet nga lëvizja Vetëvendosje dhe Lidhja Demokratike e Kosovës.

“Vetëvendosje për herë të parë doli e para në zgjedhje. E njoh zotin Kurti, por si do të sillet në qeveri, është e paqartë”, tha ai, duke nënvizuar se Kosova tash duhet të formojë qeverinë, të zgjedhë ministrat. “Shpresoj se do të lëvizin shpejt”, meqë ka “punë për të bërë para se palët të ulen në tryezën e bisedimeve”, tha ai.

Zoti Palmer tha se po punon ngushtë me ambasadorin Richard Grenell, i dërguari presidencial amerikan për bisedimet e paqes ndërmjet Kosovës dhe Serbisë.

Ai kritikoi Bashkimin Evropian që dështoi të hapte negociatat për anëtarësim me Shqipërinë dhe Maqedoninë e Veriut, një vendim që siç tha ai “dërgon mesazhe të gabuara tek Prishtina dhe Beogradi”./voa/

Etiketa: Mathew Palmer
Pas

Na surprizoi të gjithëve, Alban Skënderaj ambasador

Para

Politikani shqiptar habit me deklaratën: Përkrah Erdoganin për sulmet në Siri

Para
Politikani shqiptar habit me deklaratën: Përkrah Erdoganin për sulmet në Siri

Politikani shqiptar habit me deklaratën: Përkrah Erdoganin për sulmet në Siri

Discussion about this post

 



Të Fundit

Indonezia do të blejë rreth 50 avione luftarakë nga Turqia

Humb jetën tragjikisht 21-vjeçari shqiptar në Itali, si ndodhi aksidenti që i mori jetën të riut

Operacioni “fshesa”, Barcelona bën gati listën me 7 emra

Ukraina riatdheson trupat e më shumë se 1.200 ushtarëve të vrarë, gjatë luftës me Rusinë

SHBA dhe Kina arrijnë marrëveshje, zbutet lufta tregtare

E pazakontë në Devoll, 42-vjeçarja shantazhon dhe përndjek një burrë, i kërkon para për të mos i publikuar fotot që kishte me të!

Nuk ndalet masakra në Gaza, ushtria izraelite vret 35 civilë palestinezë

“Kemi urdhër t’ju kontrollojmë imtësisht”, Tifozat Kuq e Zi prezent në Riga: Koha e maskarenjve, Atdheu mbetet i Shqiptarëve

Denoncimi i PL/ Tedi Blushi: Meta ndalohet të stërvitet në burg për 10 ditë. Dënimi për shkak të…

Incident tek Mali i Robit/ Pema rrëzohet mbi një automjet, nuk raportohen të lënduar

© Copyright 2025, Të Gjitha të Drejtat e Rezervuara, Dev by Techzero1.com.

Nuk ka rezultat
View All Result
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione

© Copyright 2025, Të Gjitha të Drejtat e Rezervuara, Dev by Techzero1.com.