Diskutimet për Teatrin Kombëtar kanë vijuar edhe gjatë ditës së sotme, teksa artistët patën një takim në selinë e LSI-së. Në studion e ‘’Fax news’’ regjisori Robert Budina u shpreh se kjo nuk është një kapje e artit nga politika.
Përkundrazi, do të ishte mirë u shpreh regjisori që të gjitha palët të njiheshin me qëndrimet e artistëve në mënyrë që kur të vinin në qeveri të mos bënin të njëjtat gabime.
‘’Në takimin me presidentin unë nuk kam qenë i pranishëm, ndërsa vetë institucioni ka dhënë një sqarim të vakët në lidhje me atë që u diskutua. Presidenti premtoi që do të negociojë me politikën për të pasur një ligj të posatshëm për artin.
Ne do të kërkojmë rritjen e buxhetit për kulturën, kërkojmë që buxheti të bëhet aq sa e kanë vendet e rajoni 3% dhe jo 1%. Politika po kërkon që të marrë pronën publike. PPP-ja është një përshtatje që zhduk artin, kultura europiane financon për të nxitur artin dhe kulturën, dhe ne këtë kulturë duhet që të përqafojmë”, u shpreh Budina.
Në takimin e sotëm aktorët hodhën dhe idenë e një hetimi që duhet të bëhet për kryeministrin Edi Rama, për marrëdhënien që ai ka pasur me artin për vite me rradhë.
‘’Në takimin që patëm sot me zonjën Kryemadhi, pyeta gazetarët nëse e kanë pyetur kryeministrin se pse nuk ka pasur një takim me ne”, u shpreh më tej Budina.
Sot në orë 18;00 artistët do të paraqesin një projekt të tyrin për Teatrin Kombëtar. Sipas Budinën disa studio arkitekturore do të paraqesin projektet e tyre, po nuk dihet nëse qeveria do t’i marrë parasysh propozimet e tyre.
(E.K/FAXWEB)
Discussion about this post