Shkrimtari Rudi Erebara i ftuar në Fax News për të folur për çështjen e Teatrit Kombëtar u shpreh se do të fillojnë të protestojnë kundër shembjes së tij. Erebara u shpreh i indinjuar ndaj qeverisë duke thënë se demokracia është në rrezik.
“Demokracia është në rrezik. Një njeri si Edi Rama mund t’i bëjë ligjet si të dojë, nesër do të na shembë shtëpinë. Ajo hapësirë e Teatrit aty nuk e imagjinojmë dot se si do të jetë. Provincializëm të tillë sovjetik nuk e kisha menduar që të kishte një person që është kryeministër. Ne do të vazhdojmë në qëndresën tonë dhe unë nuk dua të jem pesimist asnjëherë. Unë nuk do të ngre dorë kundër policisë, le të vijnë të na rrahin.
Kjo qeveri dhe kjo Rilindje është depersonalizuese. Ligjërisht opozita votoi kundër dhe i falenderojmë. Sot sërish do të kemi protesetë dhe janë të ftuar të gjitha forcat politike. Do të dalim para fadromave dhe do të bëjmë një qëndresë artistike pa sherr. Në rast se kalojnë mbi ne, opozita duhet të dalë dhe të na mbarojë. Unë besoj se opozita shqiptare e ka luksin sepse është në opozitë dhe duhet të përfitojë nga kauzat e drejta. Nuk e kuptoj se çka ky njeri që do ti vejë vulën Teatrit? Çështja e të drejtës nuk mund të jetë opinion. Teatri është pronë e të gjithëve.”
Ndërkohë që për sa i përket pyetjes nëse ambasadorët e kanë mbështetur protestën e tyre, ai u shpreh se pjesa më e madhe e tyre nuk ka ardhur.
“Ambasadorët nuk kanë ardhur asnjë herë. Erdhi ambasadori i OSBE-së dhe mu drejtua “I nderuar zoti Erebara misioni i OSBE-së po monitoron hap pas hapi protestën tuaj.”
Vetëm ambasada Gjeramane ka marrë informacone se çfarë po ndodh. Ata e dinë shumë mirë se çfarë po ndodh se po vidhet hapur. Shqipëria është një ditën e saj më të zezë, po rrëshkasim në diktaturë.”
(M.Q/Faxweb)
Discussion about this post