Kryeministri i Edi Rama i ftuar mbrëmjen e sotme në emisionin Opinion foli për çështjen e Teatrit dhe ndërtimin e Teatrit të ri.
Gjatë emisionit gazetari Robert Rakipllari e pyeti kryeministrin se pse nuk dëgjon intelektualët e këtij vendi si Aurel Plasari, Maks Velo apo Artan Fuga që theksojnë rëndësinë kulturore të godinës së Teatrit Kombëtar.
Rama u tregua ironik duke thënë se Aurel Plasarin e dëgjon vetëm kur flet për Skëndërbeun dhe jo për gjëra që nuk merr vesh.
Gjatë debatit, ku gazetari po insistonte duke rreshtuar vlerat e godinës, Rama iu drejtua “Mos qaj gati u lotove këtu!”.
Ndërkohë që i pyetur nga gazetari Blendi Fevziu, lidhur me faktin, se dikur Ministër Kulture, Rama këtë godinë e kishte futur në ansamblin muzeal, Kryeministri tha:
“E kam firmosur por kanë kaluar 20 vjet nga ajo periudhë”.
(M.Q/Faxweb)
