Çështja e vdekjes së turistes ruse 15-vjeçare në Ksamil po mbahet peng për një llambë të djegur në pajisjen që kryen krahasimin e ADN-së në laboratorin e Policisë Shkencore.
Mësohet se llampa është porositur jashtë vendit pasi në Shqipëri nuk gjendet. Ndërkohë bashkë me të do të vijë nga jashtë dhe një ekspert për ta zëvendësuar, pasi në Shqipëri nuk ka asnjë teknik të tillë.
Sipas televizionit Klan, me mbërritjen e kësaj pajisjeje, hetimet do jenë gati të nisin brenda 10 Gushtit.
Pajisja që bën krahasimin e AND-së do të analizojë flokët e gjetura në helikën e një skafi të drejtuar nga Ermal Fataj me flokët e të ndjerës.
Mirëpo Ambasada ruse është shqetësuar nga kjo zvarritje e hetimeve dhe i kanë kërkuar policisë së Sarandës çdo ditë informacione zyrtare mbi ecurinë e procesit.
Kujtojmë se Prokuroria ka kërkuar mbajtjen në burg për 45 ditë të Fatajt, deri në pritje të provës shkencore. (D.D/Shuplaka)
