Në konferencën e përjavshme me gazetarët Sali Berisha foli edhe për çështjen “Beleri”. Ish-kryeministri u shpreh se Fredi Beleri po lihet me të padrejtë në burg dhe nuk po lejohet të betohet.
Sipas tij nuk ka asnjë fakt që Beleri të ketë blerë vota. Në momentin kur u arrestua ai po hante pilaf dhe autritetet thonë se po shpërndante euro.
Fredi Beleri nuk është lejuar nga Autoriteti i Burgjeve të betohet si kreu i bashkisë Himar. Sipas Berishës Beleri të betohej dhe më pas të hetohej nëse në të vërtetë ka diçka ndaj tij.
Sali Berisha: “Çështja Fred Beleri, çështje themelore që prek çdo shqiptar. Ai qëndron në burg, nuk lejohet të bëjë betimin në kundërshtim me ligjin. Ligji dhe precedenti detyroi drejtorin e burgut ta nxjerrë nga qelia ta bëjë betimin dhe ta kthejë në qeli. Ka ndodhur me deputetët tanë kur në pushtet ishte Fatos Nano. Ka ndodhur në Kosovë… Kemi të bëjmë me mohimin e parimit themelor të prezumimit të pafajsësisë, është për çdo qytetar të çdo race, çdo kombi, çdo partie. Pse e shkelmon Rama? Ai mund të bënte betimin dhe nëse janë të vërteta që ai ka blerë votë ai të dënohet. Deri sot nuk kam dëgjuar që autoritetet greke të thonë ndërprite procesin. Të betohet, të hetohet më pas. Ai nuk ka blerë vota. Ai po hante një pjatë pilaf dhe thanë po shpërndante euro. Një nënë me tre fëmijë nxirret në 23 të natës dhe e çojnë në Vlorë sepse ka dhënë para.”
Discussion about this post