Klubi i Skëndërbeut ka reaguar lidhur me procesin që po zhvillohet në Gjykatën e Arbitrazhit Sportiv duke publikuar një letër zyrtare të zyrës ligjore që po mbron interesat e klubit.
Sipas këtij klubi, ky reagim vjen si një përgjigje ndaj interesit të medias dhe tifozëve mbi çështjen duke argumentuar se ky është I vetmi informacion që mund të bëjë publik për momentin.
Të dashur sportdashës dhe tifozë, “lutemi të mos bini pre e aludimeve dhe lajmeve pa fund mbi çështjen në fjalë”, shkruhet në deklaratë përkrah letrës zyrtare të zyrës ligjore ë mbron klubin në Gjykatë.
Reagimi i plotë:
Në përgjigje të interesit tuaj mbi çështjen që po zhvillohet në Gjykatën e Arbitrazhit Sportiv po publikojmë letrën zyrtare të zyrës ligjore që po mbron interesat e klubit.
Ky është i vetmi informacion që mund të bëjmë publik momentalisht. Lutemi të mos bini pre e aludimeve dhe lajmeve pa fund mbi çështjen në fjalë.
Shpresojmë për më të mirën!
Me respekt,
KF Skënderbeu
(F.GJ/FAXWEB.AL)
