Çështja ‘Tahiri’, Prokuroria letër-porosi në Itali. Kërkohet të pyetet dhe Nazer Seiti

Çështja Tahiri vijon të sjellë debat në vendin tonë, edhe pse Prokuroria nuk ka asnjë të dyshuar në pranga.

Prokurorët e Krimeve të Rënda kërkojnë sërish ndihmën e autoriteteve italiane, për hetimin e çelur ndaj ish-Ministrit të Brendshëm, Saimir Tahiri.

Përmes një letër-porosie që ka marrë udhë tri ditë më parë, grupi i hetimit, kërkon nga prokuroria e Catanias, t’i vërë në dispozicion dëshmitë e të gjithë të arrestuarve në Itali, përfshi dhe të dyshuarin si kreu i grupit kriminal, Moisi Habilaj, që ka lidhje familjare me ish-ministrin.

Të çudit fakti që prokurorët kërkojnë edhe pyetjen e Nezar Seitit, i cilësuar si financieri i grupit kriminal, i cili ndodhej në burg në Shqipëri, por u ekstradua drejt shtetit fqinj, në kundërshtim me ligjin.