Për çështjen “Zagani” ka dëshmuar në Gjykatën e Bolonjës Alessandro Giuliani, oficeri i Guarda Di Finanza raporton “Fax News”.
Alessandro Giuliani u pyet për llogari të drejtësisë shqiptare në Gjykatën e Bolonjës. Ai dëshmoi në gjykatë për 1 orë e gjysëm, u fut në orë 12:50 dhe doli në 14: 20 nga kjo gjykatë.
Ai iu përgjigj 10 pyetjeve nga Prokuroria shqiptare që kanë lidhje me çështjen “Zagani” raportoi nga Bolonja gazetari investigativ Artur Çani.
Sipas Çanit, oficeri Giuliani pasi ka dalë nga gjykata e Bolonjës për “Fax News” është shprehur se beson se Zagani se ka qenë një punonjës shumë i mirë i policisë së shtetit shqiptar, një punonjës i shkëlqyer. “Kemi bashkëpunuar shumë mirë me Zaganin”, është shprehur oficeri i Guarda Di Finanza. Dëshminë oficeri i policisë e dha me dyer të mbylluar në praninë e gjykatësit.
Duhet të theksojmë që edhe vetë Zagani ka deklaruar në intervistat e tij se oficeri i Guarda Di Finanza Alessandro Giuliani ka bashkëpunuar me të në luftër kundër tragikimit të drogës në jug të vendit, ku këtu përfshihen edhe infomaconet ndaj grupit Habilaj.
“Me vizitat në Shqipëri të Giuianit njëherë qëlloi të takohej dhe me një nga burimet e mia kofidenciale, Duke qenë dhe njohës i italishtes u miqësuan shpejt dhe i jepte të dhëna për trafikun e drogës kundrejt shpërblimit ligjor. Ai e pyeti edhe për info nëse kishte për ngjarje që lidheshin me trafikun drejt Italisë, Dhe ai kërkoi ta informonte kur bëhej fjalë për ngjarjë trafiku në itali. Burimi pranoi. Nëse ai do ishte bashkëpuntor me dosje mua sdo me lejohej kurrsesi as ta prezantohej e jo më ta lejoja të informonte. Ka pasur raste që kanë informuar dhe për këtë prokuroria më akuzon.
Ai, Alessandro, ishte njeri me merita në punë dhe na ka ndihmuar shumë në punën tonë, gjithnjë duke zbatuar ligjet tona korrektësisht.”, është shprehur ndër të tjera Zagani. (J.V/Faxweb)
Discussion about this post