Briken Fejzullai i ka bërë një pyetje të drejtëpërdrejtë kryeministrit të vendit, Edi Ramës lidhur me procesin gjyqësor që ky i fundit ka hapur ndaj Peter Tiede, gzetari i gazetës Bild që bëri publike përgjimet pëer shit-blerjen e votës në Dibër.
Fejzullai pyet kryeministrin nëse paratë me të cilat do të paguajë një nga avokatët më të shtrenjtë në Europë i paguan me paratë e veta apo me me paratë e taksapaguesve shqiptar.
Reagimi i plotë:
O plak!
Peter Tiede po e padit si Vini i Kiços apo si Edvin Kristaq Rama (Kryeministër)?!
Jo për gjë, po të dimë kush do i paguajë paret, kur të humbësh gjyqin.
Se që nuk je gjuetar, kët’ e morëm vesh që kur dole huq me Beçhetin… po ç’taksirat kemi ne t’jerët, se ty t’kruhet byça dhe del sërish për gjueti arinjsh.
Kujtojmë se kryeministri Edi Rama lajmëroi se ka nisur procedurën për gjyqin ndaj gazetës gjermane BILD.
“Sapo i kam dhënë prokurën avokatit gjerman Matthias Prinz, për nisjen e procesit gjyqësor mbi publikimet e BILD! Gjykatat gjermane le ta vendosin kush ka të drejtë e kush ka faj në këtë mes. E bëj sepse shqiptarët meritojnë ta dinë të vërtetën nga drejtësia e atij vendi pa hije,” shkruante Rama.
Nuk dihet nëse ka ndonjë Matthias Prinz tjetër, por në Gjermani është vetëm një avokat shumë i famshëm me këtë emër, i njohur për fushën e mbrojtjes së reputacionit, i specializuar për shkrimet e mediave.
Prinz paguhet mbi 750 euro në orë dhe ka përfaqësuar kompani e personazhe të njohur në Gjermani dhe botë. Për ironi, babai i tij ka qenë redaktor tek gazeta Bild, transmeton gazeta Mapo. Edhe vetë Prinz ka punuar për gazetën Bild si korrespondent nga Hamburgu. Ai shkruante për problemet e qytetit.
(F.GJ/FAXWEB.AL)
Discussion about this post