Gjatë shpërndarjes së lejeve të legalizimit në Bashkinë e Finiqit, kryeministri Edi Rama ka bërë batuta me banorët, priftërinjtë, “jorgot”, duke u ndaluar edhe tek kreu i PBDNJ-së, Vangjel Dule.
“Kisha mund ta thërrasë në çadër. Çfarë bën Vangjeli në çadër? Unë e njoh, e kam mik, por na ka ikur në drejtim të paditur. Ia ka marrë mendjen shejtani.”, ironizoi kryeministri Vangjel Dulen, kreun e PBDNJ-së.
Përtej batutave me banorët që flisnin greqisht, ai ka bërë edhe një premtim për priftërinjtë që kanë tërhequr lejet e legalizimit të kishave dhe që i kanë kërkuar të bëjë diçka për tokat e kishave.
“T’iu jap një lajm. Do ulim çmimin e energjisë elektrike për kishat dhe xhamitë. Do e paguani energjinë si familjet.” – “Kemi ato kamatvonesat…”, “Jo ato kamatvonesat nuk i falim. Do gjejmë një rrugë të mesme me ndihmën e Zotit.”
Kërkesës së priftërinjve për t’u bërë diçka me tokat e kishave, Rama iu përgjigj: “Edhe Zotit që është Zot i duheshin 7 ditë për të bërë botën”.
(XH.A/SHUPLAKA)
