Vijon procedura në Këshillin e Lartë të Prokurorisë për marrjen në pyetje të kandidatëve për SPAK-un, një prej të cilëve është dhe prokurori i Krimeve të Rënda Vladimir Mara.
Ai ka prezantuar para KLP-së akivitetin e tij professional, dhe disa nga çështjet më të nxehta që ka pasur në dorë, që lidhen me: goditje e grupeve kriminale si grupin e Tepelenës, dosja 339 me 74 personat nën hetim, sekuestrimi i një sasie të madhe heroine në Kosovë, si dhe luftën kundër krimit të organizuar me metoda speciale.
Mara është pyetur nga anëtarët e për afatin e zgjatjes së një çeshtje nga ato që ka pasur në hetim, dhe nuk kanë munguar as pyetjet e tilla psikologjike, se çfarë bën një prokuror për ta pasur mendjen shëndosh, dhe për të larguar presionin edhe stresin që haste në punën e tij.
Mara ka paraqitur për vlerësim dosjet që kanë mbaruar dhe secila prej tyre ka specifiken e një dosje të ardhshme të SPAK. Mara u shpreh më tej se aktualisht ka 12 dosje në hetim.
Ai ka deklaruar se nën hetim më herët ka pasur dhe dosje për zyrtarët e lartë, që nga ish-ministra, deri te ish-deputetët.
Mara u përgjigj këshillit për rastin e vitit 2016, sekuestrim i sasisë së madhe prej 4 tonë narkotikësh në Vlorë kur është akuzuar mediatikisht për fillmimin e aksionit të policisë.
‘’Unë nuk kam qenë fare prezent në vendngjarje, kam lajmëruar për dekonspirimin e aksionit, dhe kam kërkuar hetim për personat që ishin pjesë e aksionit të policicë. Media në këtë rast ka qenë e përdorur, dhe unë kam kërkuar që të ketë një sqarim dhe nga prokurori i përgjithshëm”, ka deklaruar Mara.
Pyetje: Si e keni menaxhuar dhe si ka ndikuar në punen tuaj cdo emërim dhe transferim që keni patur ne punen tuaj?
Pas kësaj pyetje Mara u shpreh se në çdo vend qe ka punuar ka sjellë ekperiencën e tij dhe është përpjekur të bëjë më të mirën në respekt të profesionit të tij.
(E.K/Faxweb.al)
Discussion about this post